+(374) 237 23034 | [email protected]
«Միասին հանուն Արենիի զարգացման» ծրագրի շրջանակներում շարունակում ենք աշխատանքները Աշխատանքային խմբերի հետ՝ համայնքային զարգացման նոր ծրագերի մշակման և արդեն մշակված ծրագրերի իրականացման համար։
Նման ծրագրերից էր LED էկրանի տեղադրումը Արենի համայնքի Ռինդ բնակավայրում, որի նպատակն է ՏԻՄ-ի աշխատանքների ավելի թափանցիկ և հաշվետու իրականացումը, քանի որ պարբերաբար կհեռարձակվեն Արենի խոշորացված համայնքի ավագանու նիստերը, համայնքային նորություններն ու մասնակցային հնարավորությունները՝ չմոռանալով նաև համայնքի բնակիչների ժամանցի, միջոցառումների ու փառատոնների մասին։
Ծրագրի ֆինանսավորող USAID-ի (ԱՄՆ Միջազգային զարգացման գործակալություն) գործընկերի հետ այցի էինք Ռինդ համայնք՝ վստահ լինելու, որ էկրանի տեղադրումն ու շահագործումը համապատասխանում է բնապահպանական չափանիշներին։
«Սույն տեղեկատվական նյութը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով: Բովանդակության համար պատասխանատվություն է կրում «Արմավիրի զարգացման կենտրոն» ՀԿ-ը, և այն պարտադիր չէ, որ արտահայտի ԱՄՆ ՄԶԳ-ի կամ Միացյալ Նահանգների կառավարության տեսակետները»:
