Աջակցություն՝ տարեց շահառուներին

Օրեր առաջ «Տարեցների և հաշմանդամություն ունեցող անձանց տնային պայմաններում խնամքի ծառայություններ» ծրագրի շահառու տարեցներին տրամադրեցինք սննդի, հիգիենայի և անկողնային փաթեթներ՝ «Համագործակցություն հանուն կայուն համայնքերի» ծրագրի շրջանակներում:

Հիշեցնենք, որ «Արմավիրի զարգացման կենտրոն» ՀԿ-ն, ՀՀ աշխատանքի և սոցիալական հարցերի նախարարության պատվիրակմամբ, շարունակում է խնամքի ծառայություններ տրամադրել տարեցներին և հաշմանդամություն ունեցող անձանց՝ ըստ նրանց գնահատված կարիքների:

Ծրագրի շրջանակներում շուրջ 50 միայնակ տարեցներ և 18 տարին լրացած հաշմանդամություն ունեցող անձինք, ովքեր ունեն ինքնասպասարկման դժվարություններ, ստանում են՝

✓¹կենցաղային սպասարկում,

✓բժշկական օգնություն,

✓սոցիալական խորհրդատվություն,

✓ինչպես նաև այլ անհրաժեշտ ծառայություններ:

---

Ծրագիրն իրականացվում է ՀՀ Աշխատանքի և սոցիալական հարցերի նախարարության ֆինանսավորմամբ։