+(374) 237 23034 | [email protected]
«Արմավիրի զարգացման կենտրոն» ՀԿ-ն հայտարարում է աուդիտորական ծառայության գնման մրցույթ, որին մասնակցելու պարտադիր պահանջներն են.
Պահանջներ մասնակցին
- Մասնակիցը պետք է գրանցված լինի որպես իրավաբանական անձ:
- Նախատեսված պարտավորությունների կատարման համար ունենա պահանջվող մասնագիտական փորձառություն և ֆինանսական միջոցներ,
- Մասնակցելու իրավունք չունեն իրավաբանական այն անձինք, որոնք փաթեթը ներկայացնելու օրվա դրությամբ դատական կարգով ճանաչվել են սնանկ, ունեն ժամկետանց պարտքեր Հայաստանի Հանրապետության հարկային և պարտադիր սոցիալական ապահովության վճարների գծով:
Մրցույթի ծածկագիրն է՝ 65/26 ԱԾԳ
Աուդիտի ենթակա է «Ժողովրդավարական ընտրական մասնակցության ամրապնդում Արմավիրի և Արագածոտնի մարզերի գյուղական վայրերում» ծրագիրը։ Ծրագրի իրականացման ժամանակահատվածն է՝ 2026 թվականի ապրիլի 9-ից մինչև 2026 թվականի հունիսի 30-ը։ Աուդիտի ենթակա ծրագրի ընդհանուր բյուջեն կազմում է 23,390 եվրո։ Աուդիտը պետք է իրականացվի ծրագրի ամբողջ ժամանակահատվածի ֆինանսական փաստաթղթերի և ծախսերի նկատմամբ։
Մրցույթում հաղթող ճանաչված մասնակցին սահմանված կարգով կառաջարկվի կնքել համապատասխան պայմանագիր։
Փաթեթներն անհրաժեշտ է ներկայացնել սույն հայտարարությամբ սահմանված պահանջներին համապատասխան՝ ըստ կից Անհրաժեշտ փաստաթղթերի ցանկում սահմանված փաստաթղթերի:
Փաթեթները կազմելիս անհրաժեշտ է մանրամասն ծանոթանալ կից Աուդիտորական ծառայության հաշվետվության կազմման ուղեցույցին, քանի որ մրցույթի հաղթողը պարտավորվում է հաշվետությունը կազմել ըստ ուղեցույցում ներկայացված ընթացակարգերի։
Մրցույթի փաթեթները պետք է ներկայացնել «Արմավիրի զարգացման կենտրոն» ՀԿ գրասենյակ էլեկտրոնային փոստով ([email protected], թեմա դաշտում նշելով մրցույթի ծածկագիրը՝ 65/26 ԱԾԳ) ԿԱՄ առձեռն՝ փակ ծրարներով՝ սոսնձված և փակման տեղում կնքված / ստորագրված:
«Արմավիրի զարգացման կենտրոն» ՀԿ-ն պատասխանատվություն չի կրում փոստով ուղարկված փաթեթների` վերջնական ժամկետից ուշ, կամ բացված տեսքով, կամ վնասված փաթեթ ստանալու դեպքերում:
Ժամկետից ուշ ստացված փաթեթները ՉԵՆ ԲԱՑՎԻ ԵՎ ՉԵՆ ԴԻՏԱՐԿՎԻ:
Փաթեթներն ընդունվում են մինչև 2026թ-ի հունիսի 26—ը ներառյալ, ամեն օր, ժամը 11-ից մինչև 17-ը, բացի շաբաթ և կիրակի օրերից:
Փաթեթների բացումը կկայանա 2026թ-ի հունիսի 29—ին՝ ժամը 12։00-ին, «Արմավիրի զարգացման կենտրոն» ՀԿ գրասենյակում (հասցե՝ ք.Արմավիր, Շահումյան 68ա):
Հավելյալ տեղեկությունների համար զանգահարել՝ (0 237) 23034, 098 575756 հեռախոսահամարներով, կամ գրել՝ [email protected] էլ. Փոստին:
Հայտի ձևաթուղթը, Ծրարի ձևաթուղթը, Աուդիտորական կազմակերպության համապատասխանության փաթեթը, Աուդիտորական ծառայության հաշվետվության կազմման ուղեցույցը և Անհրաժեշտ փաստաթղթերի ցանկը կարող եք ներբեռնել ստորև։
