ՏԱՊ փորձագետի Հայտարարություն

Աշխատանքի անվանումը՝  ՏԱՊ փորձագետ

Կազմակերպությունը՝     «Արմավիրի զարգացման կենտրոն» Հասարակական Կազմակերպություն (ԱԶԿ ՀԿ)

Աշխատանքի տևողությունը՝   24․01․2025 — 30․01․2025

ԱԶԿ ՀԿ-ն «Միասին հանուն Արենիի զարգացման» ծրագրի ենթածրագիր՝ «Խթանելով մասնակցայնությունը Արենիում» շրջանակում հայտարարում է Տարեկան Աշխատանքային Պլանի (ՏԱՊ) փորձագետի մրցույթ։

Ծառայության նպատակը.

Ծառայության նպատակն է աջակցել Արենի  խոշորացված համայնքին արդյունավետ տարեկան աշխատանքային պլանի մշակման գործում՝ ներկայացնելով «Տարեկան աշխատանքային պլան» (ՏԱՊ) գործիքը և դրա կիրառման ուղեցույցը:

Ծառայության նկարագիրը

Ծառայություն մատուցողը պատասխանատու կլինի Արենի խոշորացված համայնքի տեղական ինքնաքառավարման մարմիններին ներկայացնել «Տարեկան աշխատանքային պլան» (ՏԱՊ) գործիքը և դրա կիրառման ուղեցույցը մանրամասնորեն բացատրելով դրա նշանակությունը, կիրառման հնարավորությունները և արդյունավետության գնահատման մեխանիզմները:

ՏԱՊ-ի գործիքի և ուղեցույցի ներկայացումից զատ ծառայություններ մատուցողը պատասխանատու կլինի աջակցել պլանի մշակման գործընթացներում՝ ուղղորդելով համայնքը առաջնահերթությունների սահմանման, ռեսուրսների ճիշտ բաշխման, գործողությունների հաջորդական պլանավորման և նպատակների իրագործման համար անհրաժեշտ քայլերի մշակման հարցում:

Պահանջներ փորձագետին.

Ծառայություն մատուցողը պետք է՝

  • լինի ֆիզիկական անձ կամ անհատ ձեռնարկատեր,
  • ունենա ոլորտային փորձառություն,
  • թիմին կառավարելու և աշխատելու պատրաստակամություն և ունակություն,
  • դասընթացների իրականացման փորձ:

Հայտերի ներկայացման կարգը

Հետաքրքրված թեկնածուները կարող են ուղարկել ինքնակենսագրական (CV) [email protected] էլեկտրոնային հասցեին pdf ֆորմատով մինչև 2025թ. հունվարի 23-ը՝ վերնագրում նշելով՝ «ՏԱՊ փորձագետ» անվանումը կամ ներկայացնել  ԱԶԿ ՀԿ-ի գրասենյակ՝ ք․ Արմավիր, Շահումյան 68ա:  

Ժամկետից ուշ ստացված հայտերը ՉԵՆ ԴԻՏԱՐԿՎԻ:

Ընտրված մասնակցին սահմանված կարգով կառաջարկվի կնքել ծառայությունների մատուցման համապատասխան պայմանագիր:

Կազմակերպության մասին

«Արմավիրի զարգացման կենտրոն» հասարակական կազմակերպությունը (ԱԶԿ ՀԿ) ստեղծվել է 2005թ.-ին: ԱԶԿ ՀԿ-ի առաքելությունն է համագործակցությունը հանուն սոցիալ-տնտեսական առաջընթացի։ Աշխատելով ողջ ՀՀ տարածքով՝ իրականացնում ենք ժողովրդավարության, մարդու իրավունքների, հակակոռուպցիոն, առողջապահական, կրթության և ՏԻՄ ոլորտներին առնչվող ծրագրեր։ Կազմակերպության մասին մանրամասներին կարող եք ծանոթանալ կազմակերպության https://armavirdc.am/  պաշտոնական կայքում: