Սոցիալական աշխատողի աշխատանքի հայտարարություն

Անվանում՝ Սոցիալական աշխատող
Կազմակերպություն՝ «Արմավիրի զարգացման կենտրոն» ՀԿ

Աշխատանքի վայրը՝ ք. Վաղարշապատ

Աշխատանքի տևողությունը՝ 24 ամիս։

«Հզոր քաղաքացիական հասարակություն հանուն երեխաների հզորացված պաշտպանության» ծրագրի շրջանակներում ԱԶԿ ՀԿ-ն հայտարարում է մրցույթ՝ սոցիալական աշխատողի թափուր աշխատատեղի համար:

Աշխատանքային պարտականությունները.

Հաստատել կապեր Միասնական սոցիալական ծառայության և այլ կազմակերպությունների հետ՝ կյանքի դժվարին իրավիճակում հայտնված երեխաների հայտնաբերման նպատակով,
Հայտնաբերված երեխաների մասին լրացնել անհրաժեշտ փաստաթղթերը,
Կազմակերպել և մասնակցել երեխայի գնահատմանը՝ համաձայնեցնելով մասնագետների և երեխայի ծնողի հետ,
Մշակել աջակցության պլան մասնագիտական խմբի հետ միասին,
Կազմակերպել սոցիալական աշխատանք երեխաների ծնողների հետ,
Համագործակցել համայնքում գործող այլ կազմակերպությունների, տեղական ինքնակառավարման մարմինների, աշխատանքի տեղավորման գործակալությունների, համատիրությունների, ՀԿ-ների հետ՝ ընտանիքի և երեխայի կարիքների համար անհրաժեշտ ռեսուրսներ գտնելու և ուղղորդումներ կատարելու նպատակով,
Իրականացնել տնայցեր՝ ըստ անհրաժեշտության, սոցիալ-տնտեսական պայմանները գնահատելու, բարոյահոգեբանական մթնոլորտը պարզելու, ներընտանեկան հարաբերությունները դիտարկելու նպատակներով,
Պատրաստել և ներկայացնել կատարված աշխատանքի ամսեկան, ընթացիկ և տարեկան հաշետվություն կենտրոնի տնօրենին:

Պահանջվող որակավորում և հմտություններ.

Բարձրագույն մասնագիտական կրթություն
Երեխաների հետ աշխատանքի առնվազն 1 տարվա փորձ
Թիմի հետ արդյունավետ հաղորդակցվելու և աշխատելու պատրաստակամություն և ունակություն
Համակարգչային ծրագրերի իմացություն (Word, Excel, Internet):

Հետաքրքրված թեկնածուները կարող են ուղարկել ինքնակենսագրական (CV) [email protected] էլեկտրոնային հասցեին մինչև 2025թ. հունիսի 20-ը կամ ներկայացնել ՀԿ-ի գրասենյակ՝ ք․Արմավիր, Շահումյան 68ա: Խնդրում ենք նամակում՝ վերնագրի (subject) տողում նշել պաշտոնի անվանումը, որին հավակնում եք: