+(374) 237 23034 | [email protected]
«Միասին հանուն Արենիի զարգացման» ծրագրի նպատակն է համայնքի տնտեսական և քաղաքական հզորացումը, որոնց հասնելու ամենակարևոր բաղադրիչներից ենք համարում մասնակցային գործընթացների խթանումը բնակչության շրջանում, նրանց կրթումն ու մոտիվացումը՝ մասնակցելու համայնքի կառավարմանը։
Այս տեսլականը կիսում է նաև Արենի խոշորացված համայնքը, որն այն համայնքներից է, որ այս տարի կամավոր սկզբունքով միացել է Մասնակցային բյուջետավարում (ՄԲ) իրականացնող համայնքների թվին։
ԱԶԿ ՀԿ-ն համայնքին աջակցել է ՄԲ-ի վերաբերյալ բնակչության իրազեկման գործընթացներում, կրթել ու մոտիվացրել երիտասարդներին համայնքային զարգացման գաղափարներով դիմելու համայնքին։
Սեպտեմբերի 18-ին էլ ՀԿ-ն նախաձեռնել էր հանրային քննարկում (town hall), որի նպատակը առաջադրված ծրագրերի ներկայացումն էր, քվեարկության մասին իրազեկումն ու տեխնիկական աջակցությունը, որպեսզի հնարավորինս մեծ թվով բնակիչներ քվեարկելու հնարավորություն ունենար։
«Սույն տեղեկատվական նյութը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով: Բովանդակության համար պատասխանատվություն է կրում «Արմավիրի զարգացման կենտրոն» ՀԿ-ը, և այն պարտադիր չէ, որ արտահայտի ԱՄՆ ՄԶԳ-ի կամ Միացյալ Նահանգների կառավարության տեսակետները»:
